Я салодкія суніцы У гайку з табой зьбіраў. Там трапёткія сініцы Шчабяталі ў пасмах траў. Там пазнаў я сьвет прыгодаў З пачуцьцямі ў барацьбе, I на песьнях сэрца гойдаў, Думаў толькі пра цябе. Ты сьмяялася задорна, Паціскала мне руку. Зь песьняй нам было прасторна, Як у полі жаўруку. I цяпер, калі сініца Б'ецца крыльлем за акном, – Мне твая усьмешка сьніцца, Пах суніцаў льлецца ў дом.
|
|